قصيدة اعجبتني وحبيت انقلها الكم وحبيت تـكون اول مشـــــأركه لــي معــأكم.....
السلام عليكم ورحمة الله وبركاته
بين هفوات الزمـان وبيـن طعنـات الخيانـه::شفت نفسي جثـة أحسـاسٍ تناهشهـا نسـور
يوم جا غدرك بحورواعتبرت الصـدق دانـه::مـا ترفقتـي بدانـه آآآآه منـك يـا بحـور
جيت بستـان المحبـه واخدعتنـي أرجوانـه::اعجبتني وهي صناعيه وسط جملـة زهـور
هو ردى حظي رماني ولا طيب القلب زانـه::هو غبـا صدقتهـا او طيبتـي تشهـد بـزور
يا حمامة حزن نوحي رددي فـي كـل خانـه::نوحي وأرثي غرامي ليـن تبكيـن الصخـور
الامانـه مـا تخـان وحبنـا اكبـر امـانـه::ليه خنتي حب وانتي من بدت غرس البـذور
بسألك ليـه الخيانـه لـك مبـرر او لعانـه::انطقـي لا تسكتيـن اذا بـدى منـي قصـور
ساكته وادري سكوتك من شعـورك بالأهانـه::اي وحده في مكانك تشعـر بنفـس الشعـور
زاد عن عاطف بحاجه يـوم خنتينـي عشانـه::ولا سوى مسرحيـة حـب مـن ألفيـن دور
غرك انه قـال أحبـك اقسـم وتبصـم بنانـه::وان قلبه من غلاك اصبح بساتيـن وقصـور
ولا غـرك انـه أرقـى أجتماعيـاً مكـانـه::ولامصلحتك تقول انـه يفيـدك فـي امـور
جيتلك ما عنـدي الا قلـب ينبضلـك حنانـه::والحقيقه كنت شاره ما يغـرك بـي غـرور
ياعساها خيره احسن يومـه اغـواك بلسانـه::اشربي من نفس كاسي مـر مخلـوطٍ بجـور
كم خدعتيني بكذبـك يومـك اطلقتـي عنانـه::جاك مثلـك باللكاعـه خبـره يلـف ويـدور
ببتعـد كـن ماعرفتـك لا بحـب ولا ميانـه::بأنسحب واسحب معي حتى لقب بدر البـدور
الخيانه مـا تبـرر عنـد مـن فيهـم رزانـه::من قتل صاحب لعانه صعبه نقـول امعـذور
الغلا مـات بيدينـك يومـك اثخنتـي طعانـه::بأكرمه واعجـل بدفنـه ميّـت وزار القبـور
ببتعد محتار مـدري هالزمـن منهـو زمانـه::هو زمان اللي كذب ولا زمن صدق ٍ طهـور
هو زمان اللي يغنـي ليـل دان الحـب دانـه::او زمن من في غرامه ما لقى لحظة سـرور
يازمن من قلبي اقبـل شكـره وجـل امتنانـه::صح كان الدرس قاسي مير زاد القلـب نـور
بـك عرفـت ان الفتـاه اذا تثنـت خيزرانـه::بس لو ترتد تضرب ضربة ٍ توجـع شهـور
ماهقيت الشخص يطعن شخص من نفس الديانه::لين جادت يد خلي طعـن وانهـرت امغـدور
بك عرفت اشلـون يقتـل واحـد بليـا أدانـه::بك عرفت ان البرائه ماهـي بكـل العصـور
والغرام اللي توفـي غـدر بأيـام الحضانـه::ماهقيت اللـي قتلـه بيـوم أخلاصـه يثـور
الكرامه عندي اغلى شي وحفظه حان اوانـه::دامها بالبعد تحفظ مالي عن هالشـور شـور
.
.
.منقـــــــــــــــولة
((بيــن هفــــوات الــزمن وبيــن طعنــات الخيـــأنه))
العرض الشجري
