إهـــــــــداء لكل من يمر على هذه الأطـــلال لعلها تَروي ضمأ كل متلهف
على الاطلال لا تبكي كفى تبكي على الاطلال
تناسـى الهـم ياقلبـي كفانـا غربلـه وهمـوم
تعال احسب معي الايام وكم ليله بليـا وصـال
خلاص الماضي ما يرجع ترى حنا عيال اليـوم
هذاك اول نعيش بحـب ونتهنـى براحـة بـال
هذاك اول قبل نكبر وتصبح ف العلـوم علـوم
ياقلبي هـذي الدنيـا ودايـم تنقلـب الاحـوال
ترى ماني الوحيد اللي بصدري ضيقه ومكتـوم
انا ادري ان الزمن ظالم ولا يحسب عنا الرجال
واعرف الحظ ليمن طاح يبيله وقت ليـن يقـوم
وذي قسمتنا ياقلبي تصبر عالحـزن لـو طـال
امر مكتوب ومقـدر وكيـف نغيـر المقسـوم
مهو ذنبـي ولاذنبـك نعـاف الحلـم والامـال
مدام ان السهر فارض علينا مـا نـذوق النـوم
ياقلبي تعبت عيوني وهـي تنظريميـن شمـال
ادور للامـل لكـن لقيـت ان الامـل معـدوم
ياقلبي لا المطر جانـا ولا حتـى بعـد همـال
ما غير تحوفنا الغيمـه تمنينـا المطـر وتحـوم
انا احب البحر واعرف هدير المـوج واليامـال
ولكني معا هـذا احـس انـي مااطيـق العـوم
اعيش بفقري وراضـي ولا ودي يجينـي مـال
لاني لولقيت المال وجيت اشري عجزت آسـوم
ياقلبي مر في سمعي كثير مُن الحكـم وامثـال
ولكن ما لقيت اصدق من اللي قال بكـره يـوم
تعال نعيـش دنيانـا ونتعـود علـى ذا الحـال
ويمكن شمسنا تشرق وتصبح ف العلـوم علـوم
الأطــــــــــــــلال
العرض المتطور
